Ilitsoqqussaralugu Oqaatsit Ulluat


Nunarsuaq Tamakkerlugu Ilitsoqqussaralugu Oqaatsit Ulluat, 21. februar 2014

Oqaasileriffiup nunat tamat akornanni Ilitsoqqussaralugu Oqaatsit Ulluat februaarip 21-anni 2014 Ilimmarfimmi malunnartissavaa. Tamanna pissaaq tallimanngorpat unnukkut Ilimmarfimmi ini nr.2+3-milu nal. 19-21.15.

Ukioq manna Unescop Ilitsoqqussaralugu Oqaatsit Ulluanut atatillugu qulequtsiussaa tassaavoq:


           ’Local languages and Science’, kalaallisuunngorlugu: ’Najugarisami oqaatsit ilisimatusarnerlu.’

Unnuk assigiinngitsunik pisoqarfiussaaq, taallanik atuaasoqassaaq, torlussortoqassaaq, Tunumiut ileqqorsuutaannik takutitsineqarluni, oqaatsinik allanertanik atuisunit saqqummiineqarluni, soorlu Indonesiamiusut, norskisut, Savalimmiormiusut, kiniiserisut Belgiamiusut il.il. aammalu qarasaasiakkut kalaallisut atuffassissut tusaatinneqassalluni.

Nuummi bussi akeqanngitsumik ilaaffigineqarsinnaasoq Qinngutsinni Suloqqamiit aallassaaq nal.18.30, illoqarfikkoorluni Katuap eqqaatigoorluni Ilimmarfiliassaaq nal.18.45, aaqqissuussinerlu naappat Ilimmarfimmiit aamma busseqaqqikkumaarluni.

Aaqqissuussineq Oqaasileriffiup aaqqissugaa Nunafondenimit aamma Nuup Bussiinit

aningaasaliiffigineqarpoq.

Annertunerusumik paasissutissanik perusukkuit uunga attaveqarsinnaavutit:

Oqaasileriffik, oqarasuaat 36 23 20, e-mail:
oqaasileriffik@oqaasileriffik.gl

Aamma una alakkarneqarsinnaavoq:
www.unesco.org