Ateq ujaruk

 
Ujarlernermi immikkut tunngaviit







Atit ujakkamut naleqquttut

Atit naleqquttut nassaarisat 385:
A | D | E | I | J | K | L | M | N | O | P | Q | R | S | T | U
  Ateq Qallunaatut Allattaasitoqaq
  Ateq Qallunaatut Allattaasitoqaq
A
 Aaja  Qavappiattut Âja
Aajaraq    Âjaraĸ
 Aqaat.
 Aajoora    Âjôra
Aaju   KitaamiusutÂjo
 Aqaat/kutannermit aallaaveqartoq.

Isumaa: Aaju meeraaqqap oqalulerlaap kutattumik taasineranit angajumik oqariaraluarneranit aallaaveqarpoq. Taaguutit tamakku ilaqutariit iluanni taamaallaat atorneqaqqaartarsimagaluarlutik maanna inuttut aamma atinnguussimalerput.

Kutannermit aallaaveqarlutik atit taamaattut arlaqarput, soorlu qatanngutigiit akornanni taaguutaasartut makku: Uka, Aka, Kuka, Kuuka, Kaka aamma Kaaka (nukamit), Aaqa (aleqa) il.il.

Amerlassusii: Aaju 21. Âjo 8.
Aajunnguaq   KitaamiusutÂjúnguaĸ
 Aqaat/kutannermit aallaaveqartoq.

Isumaa: Aaju meeraaqqap oqalulerlaap kutattumik taasineranit aallaaveqarpoq, meeqqap angajumik oqariaraluarneranit. Taaguutit tamakku ilaqutariit iluanni taamaallaat atorneqartaraluarlutik maanna inuttut aamma atinnguussimalerput.

Kutannermit aallaaveqarlutik atit taamaattut arlaqarput, soorlu qatanngutigiit akornanni taaguutaasartut makku:: Uka, Kuka, Kaka & Kaaka (nuka), Aaqa (aleqa) il.il.

Amerlassusii: Aajunnguaq 8. Âjúnguaĸ <4.
 Aaka    Âka
Aakkuluk Tunumiusut  Ãkuluk
 Aqaat.

Isumaa: Meeqqanut aqaariaaseq. Makku assigai: Aannguaq, Iinnguaq, Aakasik, Kuluk, Iikkila (Ikila), Itaara, Itajaraq, Maaraq, Maannguaq, Nguaq il.il.

Amerlassusii: Aakkuluk <4. Aakkulu <4. Ãkulo <6.

Pissuseqatai: Aakulu (Tunumiusut).
 AamaAvanersuarmiusut  KitaamiusutAuma
 Aamannguaq    Aumánguaĸ
 Aanngiiuk Tunumiusut  Ãngîjuk
 Aannguaq   KitaamiusutÃnguaĸ
Aappalittoq Tunumiusut  Augpaligtoκ
 Tunumiusut

Isumaa: Aappaluttoq. Aterusioqqaarsimasoq pineqartup immikkut isikkuanut pissusianulluunniit aallaaveqartumik.

Aamma takukkit: Aappalittuatsiaq, Kajoq, Kaju, Kajuaq, Kajuinnaq, Qaallluallak, Qasaaq, Qasiaq, Singajik, Qernertoq aamma Qorsuk.
Aappalittuatsiaq Tunumiusut  Augpaligtuatsiaκ
 Tunumiusut.

Isumaa: Aappaluttoq kusanartoq. Aterusioqqaarsimasoq pineqartup immikkut isikkuanut pissusianulluunniit aallaaveqartumik.

Aamma takukkit: Aappalittoq, Kajoq, Kaju, Kajuaq, Kajuinnaq, Qaallluallak, Qasaaq, Qasiaq, Singajik, Qernertoq aamma Qorsuk.
 Aartaajik Tunumiusut  Ârtâjik
 AarunaAvanersuarmiusut  KitaamiusutÂruna
 Aavaarteq Tunumiusut  Auvârteĸ
 Aggu    August / Augustinus / Augusta / AugustineAvgo / Augo
 Ajaaja   KitaamiusutAjâja
 Ajaattoq Tunumiusut  Ajáitoĸ
 Ajaattu Tunumiusut  Ajáito
 Ajaatu Tunumiusut  Ajâto
 Aka   KitaamiusutAka
 Akaaka    Akâka
 Akalak    Akalak
Akannguaq   KitaamiusutAkánguaĸ
 Aqaat.
Isumaa: Ilaqutariit iluanni taaguut Nuka qatanngutit arlaata kutattumik taallugu Aka, uiguuserlugu -nnguaq.
Akik  QavappiattutKitaamiusutAkik
 Qavappiaat nukappiaqqanut atiat.
Kitaani niviarsiaqqat atiat.
Akisooq   KitaamiusutAkisôκ
 Nalitooq.

Isumaa: Nalitooq.

Pissuseqatai: Akisuunnguaq, Aki (naalisarlugu).

Amerlassusii: Akisooq 34 (Nunatsinni). Akisooq 32 (DK-mi). Akisôκ 21.
AkitseqAvanersuarmiusut   Akitseĸ
 Isumaa: "Naliitsoq".

Assinga: Akitsinnguaq. Taanna aterineqartuni nalinginnaanerpaavoq.
 Akulersaq    Akulersaĸ
 AlalaqAvanersuarmiusut   Alalaĸ
 Alasuaq   KitaamiusutAlasuaĸ
 AleqatsiaqAvanersuarmiusut   Aleĸatsiaĸ
 Allaq    Avdlaĸ/Agdlaĸ
 Allu    Agdlo
Amaalik   KitaamiusutAmâlik
 Amaalik arnat angutillu aterisarsimavaat. Arnat meeqqamik amaallit, aamma miteq angutiviaq qaqujummik ilaatigut pineqartartoq inunnut atsiunneqartarsimavoq.
 Amaartivat Tunumiusut  Amârtivat
 Aneerajik Tunumiusut KitaamiusutAnêrajik
 Angajooraq   KitaamiusutAngajôraĸ
 Angaju   KitaamiusutAngajo
 Angajulleq   KitaamiusutAngajugdleĸ
 Angajutsiaq    Angajutsiaĸ
Angerla   KitaamiusutAngerdla
 Isumaa: Toqukkut qimagussimasoqartillugu atsiussisoqaraangat toqusimasoq utertutut isigalugu angerlartoqutigineqartarpoq, angerlartoq imalt. angerlartoqut, naalisarlugu Angerla. Taassuma pissuseqatigai atit makku: Utertoq, Sinniisoq, aamma immaqa Qaaqqutsiaq aamma Taatsiaq. Qanigisaasut paqumiginnillutik taaguiumanatik atsiussamut taaguusiuttagaat tamakku piffissap ingerlanerani inuttut atinnguussimapput.

Kalaallit oqaluttuatoqaataanni angerlartussiaq arlalitsigut sammineqartarpoq toqugaluarluni uteqqittumut.

Allat: Angerlartoq 11. Angerdlartoκ 12. Angerlarneq <4. Angerlannguaq 33. Angerdlánguaκ 6. Angerlartunnguaq 7.

Amerlassusii: Angerla 48. Angerdla 38.
 Angerlannguaq   KitaamiusutAngerdlánguaĸ
Angerlartoq   KitaamiusutAngerdlartoĸ
 Isumaa: 'angerlamut uteqqittoq'. Toqukkut qimagussimasoq atsiunneqarsimatillugu aqqa paqumigalugu taajumanagu taaguut imalt. inuk qaannamik ajunaassaguni utimut angerlaqqissinnaaqqullugu (angerlartussiaq) meeraanerminiilli aalajangersimasumik iliuuseqarfigisarsimasaq (tak. oqaluttuaq "Avatarsuaq" uani: "Oqalualaartussaqaraluarnerpoq...", Atuakkiorfik 1996, q. 233-237).

Aamma takukkit: Angerla & Angerlarneq.

Alla: Angerlartunnguaq 7.

Amerlassusii: Angerlartoq 11. Angerdlarto? 12.
 Angiisiarteq Tunumiusut  Angîsiarteĸ
 Anori    Anore
 Anorinnguaq    Anorínguaĸ
Anuik    Anuvik
 Atitut nutaaliaq

Nagguigai: anu (qimminut uniutip ilaa atisartagaq) aamma Anouk (europamiut aqqat)
 Apannguaq   KitaamiusutApánguaĸ
 Appa   KitaamiusutAgpa
Apu    Apollus/AbeloneApo
 Kalaallit aqqat, Aputsiap naalisarnera imaluunniit
Europamiut angutinut aqqat Apollo kalaallisuunngorsarlugu imaluunniit arnat aqqat Abelone kalaalinngorsarlugu.
Apunnguaq   KitaamiusutApúnguaκ
 Isumaa: Ateq Aputsiaq aallaavigisinnaavaa, kisianni aamma Europamiut aqqat Apollo kalaallit taggersuisarnerat naapertorlugu Apulu = Apu, -nnguarmik uiguuserlugu. Aamma arnat aqqat Abelone aallaavigisimasinnaavaa
 Aput    Aput
Aputsiaq   KitaamiusutAputsiaĸ
 Aputsiaq Nunatsinni atitut ilisimaneqarlualerunarpoq meeqqanut atuakkiaq Aputsiaq, nittaalannguaq kalaallisut 1984-imi saqqummermat. Tamanna sioqqullugu aamma qallunaatut saqqummerpoq 1970-imi Aputsiaq, det lille snefnug-imik qulequtaqarluni. Atuakkiortuuvoq fransked Nunatsinnut ilisimasassarsiortartoq Paul-Emile Victor (1907-1995). Atuagaq franskisut saqqummeqqaarpoq 1950-imi Apoutsiak, le petit flocon de neige-mik qulequtaqarluni.
Soorlu kalaallisut nutsernerani takuneqarsinnaasoq atuakkiortup nittaalannguamik isumaqarnerarpaa. Atuakkiortua naapertorlugu Tunumiunngooq ateraat. Siusinnerusukkut ateq taanna pillugu saaffiginnittoqarmat Oqaasiliortut siulittaasuat qallunaatut taaguutaanut naqqiissuteqarpoq, snefnugigooq kalaallisut ima taaguuteqarmat qanik qallunaatut snekrystalimik taassallugu piukkunnarnerugaluarpoq. Kisianni kalaallisut nutserisuata Isak Heilmannip Aputsiaq nittaalannguamik isumaqartillugu kalaallisuunngortissimavaa.
 Aqaatilik  QavappiattutKitaamiusutAĸautilik
 Aqipi Tunumiusut  Aĸipe
AqissiaqAvanersuarmiusut  KitaamiusutAĸigssiaĸ
 Ateq oqaluttuatoqqani atorneqartoq.

Isumaa: Aqissip piaraa. Oqaluttuatoqaatitta ilisimalluarneqarnerpaat ilaata inuttaata pingaarnersaat ateqarpoq Aqissiaq. (Oqaluttuaq Tunersuarnit kingornussarisimagipput unnertarpaat naggueqatitta akornanni pigineqanngimmat, taamaallaat Canadap kitaata avannaani indianerit akornanni.)

Aqqit assingusut: Aqisseq aamma Aqissiarsuk.

Amerlassusii: Aqissiaq 29 (Nunatsinni), 21 (DK-mi), Aqigssiaq 8, Aĸigssiaĸ 12.
 Aqqanaatsiaq Tunumiusut  Arĸanâtsiaĸ
 Aqqarsaaq Tunumiusut  Arĸarsâĸ
 Aqqinaatsiaq Tunumiusut  Arĸinâtsiaĸ
 Ara    Ara
 Araq    Araĸ
Ari   KitaamiusutAre
 Isumaa: Serissap qeqqamiut aqaataat nukappiaqqanuunerusoq, inequnartoq, asasaq, erligisaq, s.i. Arivaraq. Ateq assingusoq aamma akuerisaniippoq: Ara, uuminngagooq naalisagaq: "asasara".
 Arivaraq   KitaamiusutArivaraĸ
 Arsugaq    Arsugaĸ
 Artaajik Tunumiusut  Artâjik
 Artajik Tunumiusut  Artâjik
Asa    AsserAsa
 Naalisagaq, nagguimmit uannga: asa-, soorlu asavaa, asanaq, asasaq.
 Asana    Asana
 Asanannguaq    Asanánguaĸ
 Asasaq    Asassaĸ
 Asiaq   KitaamiusutAsiaĸ
 Ataana    
 Atana    Atana
 Atsiaq    Atsiaĸ
 Attiartertoq Tunumiusut  Agtiartertoĸ
 Avalak   KitaamiusutAvalak
 Avalequt   KitaamiusutAvaleĸut
 Aviluannguaq    Aviluánguaĸ
 AvoortungiaqAvanersuarmiusut   Avôrtungiaĸ
Avu    Avo
 Avoortungiaq naalisarlugu
D
Digaajaat Tunumiusut  
 Tunumiut aqqat Tikaajaat taaneqartarnera malinnerullugu allataavoq.
E
 Eqqimmaalaaq Tunumiusut  Erĸingmaulâĸ
 Eqqitsumma Tunumiusut  Erĸitsúma
 Eqqumaq   KitaamiusutErĸumaĸ
 Ernguta   Kitaamiusut
 Erngutaaraq    Erngutâraĸ
 Erngutannguaq    Erngutánguaĸ
 Erngutaq    Erngutaĸ
 Ernuta    Ernuta
 Ernutaaraq    Ernutâraĸ
 Ernutannguaq    Ernutánguaĸ
 Ernutaq    Ernutaĸ
I
 Iikajippaat Tunumiusut  Îkajípât
 Iikiitsoq Tunumiusut  Îkîtsoĸ
 Iikiitsu Tunumiusut  Îkîtso
 Iikkajippaat Tunumiusut  Ikâjípât
 Iikkuluk    Ĩkuluk
 Iilik    EliÎlik
 Iinnguaq   KitaamiusutĨnguaĸ
 Iisimmaaq Tunumiusut  Îsímâĸ
 Iiva    Edvard / EvaÎva
 Ijangaatseq    Ijangâtseĸ
 Ikimaleq Tunumiusut  Ikimaleĸ
 Ikinngut   KitaamiusutIkíngut
 Ikuma    Ikuma
 IlaatsoqAvanersuarmiusut  KitaamiusutIlaitsoĸ
 IlaatsukAvanersuarmiusut   Ilaitsuk
 IlaatsunnguaqAvanersuarmiusut   Ilaitsúnguaĸ
 IlaitsoqAvanersuarmiusut   Ilaitsoĸ
 IlaitsukAvanersuarmiusut   Ilaitsuk
 IlaitsunnguaqAvanersuarmiusut   Ilaitsúnguaĸ
 Ili    ElisaIle
 Iliisa    Elisa / EliseIlîsa
 Ilikkajippaat Tunumiusut  Ilíkajípât
 Ilisimmaaq Tunumiusut  Ilisímâĸ
 Iminnguaq    Imínguaĸ
 Inequ   KitaamiusutIneĸo
 Inequna    Ineĸuna
 Inequnaaluk   KitaamiusutIneĸunâluk
 Inooraq   KitaamiusutInôraĸ
 Inuinnaq  QavappiattutKitaamiusutInuínaĸ
 Inuk   KitaamiusutInuk
 Inukkuluk   KitaamiusutInúkuluk
 Inungasoq   KitaamiusutInungassoĸ
Inutsiaq    Inutsiaĸ
 Aqaataaqqaarsimagunartoq.

Isumaa: Inuk pitsaasoq, kusanartoq (takorannersoq), iluatinnartoq, pissuserissoq, aakajaaq aamma paarlattuanik Nunatta avannaarpiaani naggueqatittalu akornanni isuma una attattarpaa: annikitsoq, mikisoq.

Amerlassusii: Inutsiaq 11. Inutsiannguaq 4.
 Inuujooq    Inûjôĸ
 Iperaq  Qavappiattut Iperaĸ
Ivaaq   KitaamiusutIvâĸ
 Isumaa: Ivaaq isumaqarpoq ivasaq. Timmissat manniliaminnik ivasarput. Ivaaq ilaanni inunnut atorneqartarpoq kissasserlugu asattuulluguluunniit ivanninnermut.

Pissuseqatai: Ivaneq, Ivaaraq aamma atiunera ersersinniarlugu -na-mik kingulleqqiusigaq Ivaana.

Aqqit oqaluttuatoqqani atorneqartut suli nalunaarsugaatitsinnut ilanngunneqarsimanngitsut: Ivaasaq, ilaatigut angakkup arnap 1700-kkunni Qeqertarsuup eqqaani najugaqarsimasup aqqa. Aamma Tunumiut oqaluttuatoqaanni inuttaasimasut: Ivalimaaq (ivallaqqissoq) aamma Ivaniisaq (Ivaneq-mut assingusoq).

Amerlassusii: Ivaaq 9. Ivâĸ <4.
 Ivernaajik Tunumiusut  Ivernâjik
IvikAvanersuarmiusut   Ivik
 Kinguliaq.

Isumaa: Ivigaq.

Amerlassusii: Ivik 77.

Pissuseqataa: Ivinnguaq 26. Ivínguaκ <4
IvinnguaqAvanersuarmiusut   Ivínguaĸ
 Isumaa: nagguia ivik.

Amerlassusii: Ivinnguaq 26. Ivíngua? <4. Pissuseqataa: Ivik 77
J
Joora    Jôra
 Angajooraq naalisarlugu.
 Jorngu    Jorngo
 Juutu    JuthoJûto
K
 Kaajammat Tunumiusut  Kâjangmat
 Kaaka Tunumiusut KitaamiusutKâka
 Kaakaaq Tunumiusut  Kâkâĸ
 Kaakajik Tunumiusut  Kâkajik
 Kaala    Kaila
 Kaasuarnaat Tunumiusut  Kâsuarnât
 Kaatsaannaq Tunumiusut  Kâtsáinaĸ
 Kaatsuarnaat Tunumiusut  Kâtsuarnât
KajoqAvanersuarmiusut  KitaamiusutKajoκ
 Isumaa: Kajortoq. Aterusioqqaarsimasoq pineqartup immikkut isikkuanut pissusianulluunniit aallaaveqartumik.

Pissuseqatai: Kaju, Kajuaq, Kajuinnaq.

Aamma takukkit: Aappalittoq, Aappalittuatsiaq, Qaallluallak, Qasaaq, Qasiaq, Singajik (qasertoq kajussuttoq), Qernertoq aamma Qorsuk.
KajuAvanersuarmiusut  KitaamiusutKajo
 Naalisagaq

Isumaa: Uuminnga naalisagaq Kajoq (kajortoq). Aterusioqqaarsimasoq pineqartup immikkut isikkuanut pissusianulluunniit aallaaveqartumik.

Pissuseqatai: Kajoq, Kajuaq, Kajuinnaq.

Aamma takukkit: Aappalittoq, Aappalittuatsiaq, Qaalluallak, Qasaaq, Qasiaq, Singajik (kajussuttoq), Qernertoq aamma Qorsuk.
 Kaka    Kaka
 Kakatsak Tunumiusut  Kakatsak
 Kassoq   KitaamiusutKagssoĸ
 Keersangaq Tunumiusut  Kêrsangaĸ
 Kiiannguaq    Kîánguaĸ
 Kiimi    KimiKîme
 Korni    Conny / KorneliusKorne
 Kuannia TunumiusutQavappiattut Kuánia
 Kuka   KitaamiusutKuka
 Kukku Tunumiusut KitaamiusutKúko
Kuluk   KitaamiusutKuluk
 Aqaat.

Naalisagaq.

Isumaa: Aqaatip aakkuluup iikkuluulluunniit uiguutaanit –kuluk. Aqarneq pissutigalugu meeqqalluunniit oqqarliorsimanera aallaavigalugu kippakunik atsiisarneq Kalaallit akornatsinni nalinginnaaqaaq, soorlu: Uka (Nuka), Kartaava (Nukartaava), Qunaaq (Inequnaaq) il.il.

Taamatuttaaq atip Kulu aallaavigaa uiguut aqaataasoq Kuluk aqaatit uku aallaavigalugit: aakkuluk imalt. iikkuluk imalt. unakkuluk.

Kalaallit aqqini aqaatit uiguutaannaagaluarlutik atinnguussimasut arlaqarput, soorlu makku: Mineq (unamineq/inumineq), Nguujuk (iinnguujuk), Natuk (unukunattuk), Palu (Pipaluk allaluunniit –palummik uiguutilik aallaavigalugu), Taaraq (itaaraq) allallu. Siorna aamma akuerisanut ilannguppoq Rulo (Rulu), aqaat Kulummut eqqaanartoq –ruluk aallaavigalugu atsiussaq.

Taaguutaannaat ilaqutariit iluanni atorneqartut aamma siumugassaasarput: Tsiakasik, Kasik, Kulooq (taannakulooq) Nguaq il.il.

Amerlassusii: Naak Kuluk niviarsiaqqat nukappiaqqallu atiattut atorneqartaraluartoq, malunnartumik Kulunnguaq arnanut ateritissallugu tulluutsinneqartarsimavoq. Atinik nalunaarsuivimmi inuit ima amerlatigisut Kulummik Kulunnguarmillu ateqartuupput:

Kulummik atillit 59 (atitut siullertut 39 (angutit 31, arnat 8), sinneri atit aappaattut pingajuattut sisamaattullu ateralugu).

Kulunnguaq: 35 (atitut siullertut 26, tassani angutit 0, arnat 26, sinneri atit aappaattut pingajuattut sisamaattullu ateralugu), Kulúnguaĸ 24, angutit 0 arnat 15 sinneri atit aappaattut pingajuattut sisamaattullu ateralugu).
 Kulunnguaq   KitaamiusutKulúnguaĸ
 Kuluuna    
 Kunnak Tunumiusut  Kúnak
 Kuuka   KitaamiusutKûka
 Kuunu    Gudny/KunoKûno
L
 Luui    Ludvig / Louis / LouiseLûe / Lûve
M
Maannguaq   KitaamiusutMãnguaĸ
 Aqaat.

Isumaa: Aqaat “maalatuunnguaq.” Atitut pissuseqatai: Ungaaq, Ngaanga (meeqqap ungaartornerata nipaa issuarlugu aqaatit).
MagserannguaqAvanersuarmiusut   Magseránguaĸ
 Avanersuarmiut atiat.

Isumaa: Nagguik 'massippoq' aallaavigalugu naasoq puttutilersoq. Atuakkiortup Karl Siegstadip nassuiaatigaa aqqup isumaa unaasoq: 'Naasoq seqerngup kissarsusianik kiassarneqarluni puttutilersoq sermitannguanik qaaqarluni.'
 Majuutaq   KitaamiusutMajûtaĸ
 Mannaatseq Tunumiusut  Mánaitseĸ
 Mannaatteq Tunumiusut  Mánáiteĸ
ManuminaAvanersuarmiusut   Manumina
 Avanersuaq.

Kinguliaq.

Isumaa: "Manumineq", 'manu' tassaalluni ameq manoqutaasaq ilupaarutsip akornannut ilineqartartoq (meeqqani), taavalu -mineq,

Uiguut -mineq piffissap ingerlanerani atiunera ersersinniarlugu uiggiunneqartartoq -na atorlugu -mina-nngorsimasungavoq (Manumina), imalt. aqassussineq pissutigalugu.

Qanga inuup atisaasa taaguutaat aamma inummut atsiunneqartarput, soorlu: Nasaq, Teqqiaq, Pualut (aaqqatit), Kamik il.il.

Assingusut: Manu, Manunnguaq, Manuaraq, oqaluttuatoqqani ateq Manutooq.

Amerlassusii: Manumina 25. Kinguliatut 11.
Masik   KitaamiusutMasik
 Isumaa: Kalaallit aqqi arlalissuit ulluinnarni inuunermi angerlarsimaffimmut attuumassutilinnut tunngassuteqartarput. Taamatuttaaq piniarnermut saaqqutinut assigisaannullu atasarlutik. Masik tamakkunani kingullernut akuuvoq.

Masik tassa qaannap paavata saavani ikaarut qisuk silittoq. Samuel Kleinschmidtip ordbogiliaani "Den Grønlandske Ordbog"-imi 1871-imeersumi (q. 204), ima allassimasoqarpoq:

"Masik 1) En Gjælle (i en Fisk eller Krabbe eller andet levende, som aander ved Gjæller) ... 2) Det buede Tværtræ foran ringen i en Kajak (saaledes benævnt ved Sammenligning med en Fisks Gjællebue)."

"Masik 1) Aalisakkap, assagiarsuup allalluunniit anersaartuutaa ... 2) Qaannap paavata saavani ikaarut qisuk silittoq (aalisakkap masiata ilusaanut assingummat taamatut taaguusigaq)."

Masik aalisakkap masianut qaannallu qisuttaatut taaguutitut naggueqatigiit Inuit amerlanerit akornanni atorneqarpoq.

Amerlassusii: Masik 5. Tamarmik 1990-ikkunni inunngortut.
 MassannguaqAvanersuarmiusut   Magssánguaĸ
 MasserannguaqAvanersuarmiusut   Magsseránguaĸ
 MavsannguaqAvanersuarmiusut   Mavsánguaĸ
 Meera    Mêra
 Meeraq   KitaamiusutMêraĸ
 Miiaq    Mîaĸ
 Miki   KitaamiusutMike
 Mikisoq   KitaamiusutMikissoĸ
 MikissukAvanersuarmiusut   Mikivssuk
 Milatteeq Tunumiusut  Milagtêĸ
 Mineq   KitaamiusutMineĸ
MinikAvanersuarmiusut   Minik
 Niviarsiaqqat nukappiaqqallu atiat. Avanersuarmiut atiattut nalunaarsorsimavoq. Ukiuni kingullerni Kitaani aamma atitut atorneqarluarpoq.

Isumaa: Oqaaseq minik orbogêrk'ame Jonathan Petersenip ordbogiliaani 1951-imi saqqummersumi qupp. 101-imi ima nassuiarneqarsimavoq: 'orsup pujaa'.

Oqaatsillu tulliatut una ilanngussimavaa: 'minippaa' imalt. 'minitserpaa': umiap/qaannap amiata mersorneri imermik pitarneqarsinnaajunnaarlugit orsup pujaanik milissorpai.

Ilimanarpoq atip Miniup oqaatsit taakku aallaavigissagai. Kalaallit qanga atsiisarnerminni ulluinnarni inuunermut tunngassutillit atsiuttaramikkit, soorlu piniarnermut tunngasut, sakkut il.il. Taamaammat minik angallatinut ussiissaatitut atorneqarluartarmat iluaqutaaqalunilu ilimanarpoq tamanna pillugu atitut atorneqarsimassasoq.

Taamaattoq aamma ilimanarsinnaavoq aqaatitut uiguut -mineq (taannamineq, unamineq il.il) atorlugu atinnguussimasoq aappersariaq kingulleq q k-nngorlugu sakkukilliinnarlugu. Aqaataaqqaarsimasut arlalissuit taamaalisaramik, soorlu makku: -nguujuk, -nguaq, -kuluk, -natuk (unoqunartoq -> uukunattuk -> nattuk -> natuk) il.il.

Nalitsinni isumaa pivallaarnagu atitut taajuminartuunera naatsukullaaneralu pinerugunarlugu atsiunneqartarpoq. Aammalumi avaqqunneqarsinnaagunanngilaq Avanersuarmiut 1897-imi Amerikamut Robert Pearymit New Yorkiliaanneqartut nukappiarartaat ukiuni kingullerni 20-ni atuakkiatigut tusagassiutitigullu sammineqangaatsiartoq Minimmik atsiisarnermut sunniuteqaqataanngitsoorsimajunnanngitsoq.

Tassami 1950-ikkunni, 60-ikkunni 70-ikkunnilu qulit ataallugit Minimmik ateqariarlutik, Minik pillugu atuakkiat arlallit saqqummeralernerisa nalaani 1980-ikkunni 57-it Minimmik atserneqarput, 90-ikkunnilu 84-it taama atserneqarlutik.

Amerlassusii: Ateq Minik Nunatsinni 152-init aterineqarpoq, Qallunaat Nunaanni najugaqartut 72-iupput, katillugit 224-ullutik. Taakku akornanni arnat sisamaannapput.
 Minneq    Mingneĸ
 Mukusunnguaq    Mukusúnguaĸ
 Mutsi    MotzfeldtMutse / Múte
N
 Naalu    Nâlo
 Naalungiarsuk    Nâlungiarssuk
 Naanngu    Nãngo
 Naatsoq   KitaamiusutNaitsoĸ
 Naattaaq Tunumiusut  Nãtâĸ
 Nakivat Tunumiusut  Nakivat
 Napa Tunumiusut  Napa
Napaartoq   KitaamiusutNapârtoĸ
 Isumaa: Orpiup napaartup kujataani naasartup taaguutaa (napaarpoq). Qallunaatut ‘grønlandsk røn’ (Latinerisut: Sorbus Groenlandica). Naggueqatitta Canadamiut Alaskamiullu orpik taasarpaat napaartoq.

Niviarsiaqqat nukappiaqqallu atiat.

Amerlassusii: Napaartoq 12. Napârtoĸ 5.
 Narsinngattak Tunumiusut  Narsíngátak
 Nasaasaq  QavappiattutKitaamiusutNasaussaĸ
 Nata    Nata
 Nataaq  QavappiattutKitaamiusutNatâĸ
 Nguju    Ngujo
 Nguujuk    Ngûjuk
 Niini    Nîne
 Niininnguaq    Nînínguaĸ
 Niinu    Nîno
 Nikku    Nikoline/NikolajNíko
 Nortu Tunumiusut  Norto
Nuka   KitaamiusutNuka
 Ilaqutariit iluanni taaguut.

Isumaa: Nuka tassa arnap nukaa niviarsiaraq imalt. angutip nukaa nukappiaraq. Ateq Nuka nalinginnaasorujussuuvoq (01.01 2005 sioqqullugu inuit Naalagaaffiup iluani najugallit 899-it Nuka-mik ateqarsimapput, taakkunani 694-it Nunatsinni najugaqartuullutik.

Ateq Nuka atermik allamik kalaallisuumik qallunaatuumilluunniit aappissalugu aamma nalinginnaasuuvoq, soorlu makkunani: Nuka Aqqalu, Nuka Marie, Nuka Peter, Nuka Anders, Nuka Pavia il.il. Inuit katillugit 86-it Nuka atermik allamik aapperlugu ateqartutut nalunaarsorsimapput. Taamatuttaaq akuerisani nalunaarsorneqarsimapput Nuka nagguigalugu assigiinngitsunik uiguusersukkat atit 25-it.
Nukaaka   KitaamiusutNukâka
 Ilaqutariit iluanni taaguut.

Isumaa: ateq Nuka nagguigaa. Nukaaka kalaalit aqqini immikkoortut aqaatitut qulequtalikkat iluanniippoq, taakkulu amerlaqaat. Tassa qatanngutigiit akornaminni kutallutik taaguisarnerannit, imalt. inersimasut aqassussillutik taaguisarnerannit pinngorsimavoq nalinginnartullu kingorna atinngorsimalluni.

Aqqit akuerisat akornanniipput taaguutit atinngorsimasut Nukaaka-p naaneratut assingusunik naanillit, tassa Atsaaka (atsa-mit) aamma Akkaaka (akka-mit) taamatuttaaq Najaaka (naja-mit), aamma Kaaka (immaqa Nukaakamit pinngortoq nipi siulleq kipiinnarlugu. tamanna kalaallit aqqanni nalinginnaavoq).

Aammattaaq qallunaat aqqannit kalaallit taaguinerannut tulluussakkamik ateqarpoq imaattumik Juaaka (ateq Johan (Juaat) aallaavigalugu). Aqqit kutappaluttut Aka aamma Kaka Nuka-mit pinngorput.

Ateq Nuka nalinginnaasorujussuuvoq (01.01 2005 sioqqullugu inuit Naalagaaffiup iluani najugallit 899-it Nuka-mik ateqarsimapput, taakkunani 694-it Nunatsinni najugaqartuullutik.

Ateq Nuka atermik allamik kalaallisuumik qallunaatuumilluunniit aappissalugu aamma nalinginnaasuuvoq, soorlu makkunani: Nuka Aqqalu, Nuka Marie, Nuka Peter, Nuka Anders, Nuka Pavia il.il. Inuit katillugit 86-it Nuka atermik allamik aapperlugu ateqartutut nalunaarsorsimapput. Taamatuttaaq akuerisani nalunaarsorneqarsimapput Nuka nagguigalugu assigiinngitsunik uiguusersukkat 25-it.

Nukaaka aqassusserpalulluni kutalluniluunniit Nuka Nuka-mik imalt. Nuka Aka-mik oqarniarnermit aallaaveqarpoq. Ateq taamatut eqikkagaq alla tassaavoq Nukanu.

Ateq Nukaaka Namminersornerulernerup kingorna nalinginnaalerpoq. Nukaakamik ateqarlutik kuisittut siulliit 1980-ikkunni nalunaarsorneqarsimapput. Allattaasitoqaq atorlugu Nukâka aatsaat 1970-ikkunni nalunaarsorneqarpoq, kisianni tamanna isumaqanngilaq ukiut taakku sioqqullugit atorneqarsimanngitsoq.

Amerlassusii: Nukaaka niviarsiaqqat atiattut atorneqarneruvoq, inuit 48-t Nukaakamik ateqartutut nalunaarsorsimapput, taakkunani 44-t arnaapput. Angutit sisamat Nukaaka atimittut siullertut atorpaat, uffa arnat 27-t atimittut siullertut Nukaaka aterigaat. Nukâkamik atillit nalunaarsorneqarsimasut sisamat ataappaat.
 Nukaaluk    Nukâluk
 Nukaaneq    Nukauneĸ
 Nukaarannguaq   KitaamiusutNukâránguaĸ
 Nukaaraq   KitaamiusutNukâraĸ
 Nukaati    Nukaute
 Nukakkuluk    Nukákuluk
 Nukannguaq   KitaamiusutNukánguaĸ
 Nukanu    Nukano
 Nukanunnguaq   KitaamiusutNukanúnguaĸ
 Nukarleq   KitaamiusutNukardleĸ
 Nukarliaq   KitaamiusutNukardliaĸ
 Nukartaa   KitaamiusutNukartâ
 Nukartaaq   KitaamiusutNukartâĸ
 Nukartaavarannguaq    Nukartâvaránguaĸ
 Nukata    Nukata
 Nukatsaaq   KitaamiusutNukatsâĸ
 Nukatsiaq    Nukatsiaĸ
 Nukavik    Nukavik
 Nukkiaq    Núkiaĸ
 Nuku    Nuko
 Nukuna    Nukuna
 Nuliarpak Tunumiusut  Nuliarpak
 Nungu   KitaamiusutNungo
 Nunni   KitaamiusutNúne
 Nunnu   KitaamiusutNúno
 Nunnunnguaq    Núnúnguaκ
 Nuuku TunumiusutQavappiattut Nûko
 Nuunaaq    Nûnâĸ
 Nuunnu    Nũno
 Nuunu   KitaamiusutNûno
 Nuunukkuluk    Nûnúkuluk
 Nuunuku    Nûnuko
 Nuunuuta   KitaamiusutNûnûta
 Nuunuutaa Tunumiusut  Nûnûtâ
O
Ooquna    Ôĸuna
 Aqaat.

Isumaa: Oqaaseq 'inequnaq' aallaavigalugu aqaataasartoq taaguutaasartorlu.

Isumaqatai: Oquna, Uno, Unuuti, Unuuna, Inequ, Inequnaaluk, Inequnaaraq.
 Oqooqummaaq Tunumiusut  Oĸôrĸúmâĸ
 Oqqapia Tunumiusut KitaamiusutOrĸapia
 Orliina   KitaamiusutOrdlîna
P
 Paapi    BaabiPâpe
 Pakkutaq   KitaamiusutPákutaĸ
PalleqAvanersuarmiusut  KitaamiusutPatdleκ
 Isumaa: Orpikkat ilaata taaguutaa. Qallunaatut pil imalt. bjerg-æl (Alnus crispa). Timaaniunerusoq isugutasumi portoqalutik naasartut.

Pissuseqataa: Pallipaluk.

Amerlassusii: Palleq 11. Patdleκ <4.
 PallipalukAvanersuarmiusut   Patdlipaluk
 Panni Tunumiusut  Pangne
 Pappi Tunumiusut  Pápe
 Peernaat    Pêrnât
 Peqila Tunumiusut  Peĸila
 Peqqi Tunumiusut  Perĸe
 Peqqilaaq Tunumiusut  Perĸilâĸ
 Peqqitsunngualik    Perĸitsúngualik
 Piilannaat Tunumiusut  Pîlangnât
 Piinti    Bent / Bendt /BentePĩnte
 Piinu    Pîno
 Piitannaat Tunumiusut  Pîtánât
 Pikinnguaq   KitaamiusutPikínguaĸ
 Pikkuluk    Píkuluk
Pilu   KitaamiusutPilo
 Naasunut taaguut.

Isumaa: Kigutaarnat nagguii pilunik taaneqartarput. Qallunaatut mosebølle, latinerisut vaccinium uliginosum. Pilu imaassinnaavoq aamma pilutap naalisarnerigaa.

Naggueqatai: Pilunnguaq 91. Pilúnguaĸ 43. Pilutaq 35. Pilutaĸ 11. Pilutannguaq 9. Pilutánguaĸ 4.

Amerlassusii: Pilu 33. Pilo 11.
Pilutaq   KitaamiusutPilutaĸ
 Naasunut taaguut.

Orpiup naasulluunniit pilutaa.

Amerlassusii: Pilutaq 35. Pilutaĸ 11. Naggueqatai: Pilutannguaq 9 . Pilutánguaĸ 4. Pilunnguaq 91. Pilúnguaĸ 43
 Piseerajik Tunumiusut  Pisêrajik
 Pitsialik    Pitsialik
 Pituaq   KitaamiusutPituaĸ
 Pivik    Pivik
 Pivinnguaq    Pivínguaĸ
 Pualakiuk Tunumiusut  Pualakiuk
 Puiaq    Puiaĸ
 Pukusuk    Pukusuk
 Putsi Tunumiusut  Putse
 Puupi    Pûpe
Q
 Qaamaq   KitaamiusutK'aumaĸ
 QaavigaqAvanersuarmiusut   K'âvigaĸ
 Qananngiiuk Tunumiusut  K´anángîuk
 Qannik    K'ánik
 Qarsoq  Qavappiattut K'arssoĸ
 Qavak  Qavappiattut K'avak
 Qiinnianngaaq Tunumiusut  K'ĩniángâĸ
 Qillalaannguaq    K'ivdlalãnguaĸ
 Qillalaaq    K'ivdlalâĸ
 Qillannguaq    K’itdlãnguaĸ
 Qipinngi    K’ipínge
 Qissisaq   KitaamiusutK'íssissaĸ
 Qitu    K'ito
Qivioq   KitaamiusutK'ivioĸ
 Isumaa: Qivioq tassa timmissap meqquisa ataaniittut meqquaqqat qituttut oqorsaatigiuminartut. Taamatuttaaq nersutit meqquisa ataaniittut naasulluunniit qiviui taamak taagorneqartarput. Atit Qiviumut assingusut: Meqqoq, Meqqunnguaq, Meqqupaluk aamma immaqa Meqqusaaq (atip meqqusaap ataani takuuk).
 Qooqa    K'ôĸa
 Quatsaatsilik Tunumiusut  K´uatsâtsilik
 Qujanaqi Tunumiusut  K'ujanaĸe
Qunerna   KitaamiusutK'unerna
 Niviarsiaqqat nukappiaqqallu atiat

Isumaa: inequgisaq, pinnarisaq. Nagguia: quneq (uuminnga (ine)qunaaq). Naggueqatigai: Qunaaq aamma Qunerseeq (pinnersoq, inequnartoq) aamma Quneqitooq isumaqartoq pinnersorujussuaq 1880-ikkunni arnap Uummannap eqqaaniit Upernaviup avannaanut nuussimasup aterisimasaa naggueqatigaa.

Atit tassannga nagguillit aamma tassaapput kitaani angutit arnallu atiat Qunerna aamma kitaani arnat atiat Quniganna kujataanilu arnap atia Quneq.

Oqaaseq taassuma paarlattuanik isumalik suli atugaasarpoq, tassa quniitsoq isumaqartoq pinniitsoq, amannaatsoq (toriitsoq/pualasoq). Taamatut isumalik tunumiut arnat angutillu atiutigaat ima: Quninngi aqaatitut atsiussimasaq.

Amerlassusii: nalitsinni atigineqanngilaq.
Qunerseeq Tunumiusut  K'unersêκ
 Niviarsiaqqat nukappiaqqallu atiat

Isumaa: inequnartoq, pinnersoq. Nagguia: qunersooq (uuminnga (ine)qunaaq imalt. Quneq). Aamma Quneqitooq isumaqartoq pinnersorujussuaq 1880-ikkunni arnap Uummannap eqqaaniit Upernaviup avannaanut nuussimasup aterisimasaa naggueqatigaa. Atit tassannga nagguillit aamma tassaapput kitaani angutit arnallu atiat Qunerna aamma kitaani arnat atiat Quniganna kujataanilu arnap atia Quneq.

Oqaaseq taassuma paarlattuanik isumalik suli atugaasarpoq, tassa quniitsoq isumaqartoq pinniitsoq, amannaatsoq (toriitsoq/pualasoq). Taamatut isumalik tunumiut arnat angutillu atiutigaat ima: Quninngi aqaatitut atsiussimasaq.

Amerlassusii: Qunerseeq 8. K’unersêκ 4.
 Qupanuaq    K'upanuaĸ
 Qutsuluk Tunumiusut  K'utsuluk
 Quuik  Qavappiattut K'ûik
R
 Rulu    Rulo
S
 Saamaq   KitaamiusutSaimaĸ
 SaamikAvanersuarmiusut  KitaamiusutSâmik
 Saqqilaarteq Tunumiusut  Sarĸilârteĸ
 SatoranaAvanersuarmiusut   Satorana
 Satorina   KitaamiusutSatorina
 Seqineq   KitaamiusutSeĸineĸ
 Sialuk    Sialuk
 Sialunnguaq    Sialúnguaκ
Sikkersoq   KitaamiusutSivkersoĸ
 Niviarsiaqqat nukappiaqqallu atiat.

Isumaa: (Naasoq) sikkersoq. Oqaaseq sikkersoq aamma isumaqarpoq: illariarpoq.

Amerlassusii: Sikkersoq 59. Sivkersoĸ 21.
 Sikki   KitaamiusutSivke
 Sileqaavat Tunumiusut  Sileĸauvat
Sinni    Sivne
 Sinniisoq naalisarlugu.
 Sinnii   KitaamiusutSivnê
 Sinniisoorakkuluk    Sivnîssôrákuluk
 Sinniisoq   KitaamiusutSivnîssoĸ
 Siorakitsoq  Qavappiattut Siorakitsoĸ
Siuana   KitaamiusutSujuana
 Niviarsiaqqat nukappiaqqallu atiat.

Isumaa: Siuanap nagguigaa siu-, siorlermut imalt. siuttuunissamik attuumassuteqarsinnaasoq. Allattaasitoqqami allassimavoq ima: Sujuana. Kalaallit aqqisa nalunaarsorsimaffianni aqqit siu-mik aallartinnillit pingasuupput: Siuleqatuk (Hiuleqatuk) Avanersuarmiut arnat atiattut nalunaarsorsimasoq, aamma Avanersuarmiut arnat atiat Sujuleqatsiaq. Taamatuttaaq angutit Kitaamiut atiat Siukiaq.

Tamatuma saniatigut Alfred Berthelsenip kalaallit aqqi pillugit allaatigisaani 1918-imeersumi (Navngivning i Grønland, Meddelelser om Grønland 56, q. 274) aqqit siu-mik naggueqartut makku ilaapput: Sujortoq (Sujugtoq, tassa siuttoq) angutip avannaani 1799-imi atia

, isumaqartoq arfernik upattuni (malersortuni) naalitsisartoq (harpunér), aammattaaq arnap atia 1799-imi nalunaarsorsimasoq: Sujotona (Sujutuna = siutuna), tassa siutooq, immaqa qingartooq. Taavalu 1867-imi aamma Avannaani angutip atia imaattoq: Sujoraq (Sioraq), tassagooq qingakkaajunini pissutigalugu.

Uiguut -na Siuanami aamma Siutunami atorneqartoq Kalaallit aqqini uiguutaavoq nalinginnaasoq atiunera ersersinniarlugu atorneqartartoq.

Amerlassusii: Nalitsinni Siuana aterineqartutut nalunaarsorsimanngilaq.
 SoqqaqAvanersuarmiusut   Sorĸaĸ
 Soralu    Soralo
 Sorannguaq    Soránguaκ
 Sorlak   KitaamiusutSordlak
 Sorlannguaq   KitaamiusutSordlánguaĸ
 Suiaq  Qavappiattut Suiaĸ
 Suloraq   KitaamiusutSuloraĸ
 Suluk   KitaamiusutSuluk
 Sumaanaaq Tunumiusut  Sumânâĸ
 Sumaannaaq Tunumiusut  Sumângnâĸ
 Sunavana   KitaamiusutSunavana
 Suttuitseq Tunumiusut  Suvtuitseĸ
T
 Tajaq   KitaamiusutTajaĸ
TaoranaAvanersuarmiusut   Taorana
 Niviarsiaqqat nukappiaqqallu atiat. Kinguliaq. Avanersuaq.

Isumaa: Nagguigaa Taorat. Ilimanarpoq Akilinermiut oqaasiat “taurannituq” imalt. “tauranniqtuq” isumaqartoq “takorannertoq” aamma “isigiuminartoq” naggueqatigissagai. Uani atiunera ersersinniarlugu uiggiunneqartartoq -na uiggiunneqarsimavoq Taorana-nngorluni.

Aamma tak.: Eri & Ulaajuk.

Amerlassusii: Taorana (Daorana) kinguliatut: 15, Taorana (Daorana) arnat angutillu atiattut 5.
 Taorana (Daorana)Avanersuarmiusut   Taorana
 Taqqisima(t) Tunumiusut  Tarĸisima(t)
 Taratsi Tunumiusut  Taratse
 Tassuana   KitaamiusutTássuana
 Tiartikku Tunumiusut  Tiartíko
 Tikaajaat Tunumiusut  Tikâjât
 Tikiusaaq    Tikiussâĸ
Tilioq    Tilioĸ
 Isumaa: (nalitsinni) ikinngut, peqat. Tilioq Nunatta kujasinnerusortaani aamma ima allatut taaneqartarpoq 'Tiliaq'. Oqaluutitaa pisoqaanerorpasissoq 'tilivaa' isumaqarpoq: 'pisassippaa' imalt. 'oqqersorfigaa'.

Tunngaviatigut isuma una aallaavigisimassagaa ilimanarpoq: 'tatigalugu peqqusimasaq' (arlaannik aalleqqullugu pajoqqulluguluunniit inassimasaq peqqusimasarluunniit).

Atitut nalunaarsukkani ateq alla tassunga eqqaanartoq siumugassaavoq, tassa Arpaarti (illumiit illumut arpalluni oqariartortoq).

Amerlassusii: nalitsinni aterineqartutut nalunaarsorsimanngilaq.
Tiliunnguaq    Tiliúnguaĸ
 Nukappiaqqat niviarsiaqqallu atiat.

Isumaa: (nalitsinni) ikinngutinnguaq, peqatinnguaq. Tilioq Nunatta kujasinnerusortaani aamma ima allatut taaneqartarpoq 'Tiliaq'. Oqaluutitaa pisoqaanerorpasissoq 'tilivaa' isumaqarpoq: 'pisassippaa' aamma 'oqqersorfigaa'.

Tunngaviatigut isuma una aallaavigisimassagaa ilimanarpoq: 'tatigalugu peqqusimasaq' (arlaannik aalleqqullugu pajoqqulluguluunniit inassimasaq peqqusimasarluunniit).

Atitut nalunaarsukkani ateq alla tassunga eqqaanartoq siumugassaavoq, tassa Arpaarti (illumiit illumut arpalluni oqariartortoq).

Amerlassusii: nalitsinni aterineqartutut nalunaarsorsimanngilaq.
 TorngiAvanersuarmiusut   Tornge
 Tuapak   KitaamiusutTuapak
 Tuinnguaq    Tuínguaĸ
Tuka    Tuka
 Kutalluni nukamut taaguut.
 Tukuma   Kitaamiusut
Tukumaq   KitaamiusutTukumaĸ
 Niviarsiaqqat nukappiaqqallu atiat.

Isumaa: 'aalassarissoq', 'qiilasoq', kajumissoq, qiimmattartoq', 'sullerissoq' ilaatigut 'ulapittoq' oqaluut ’tukumavoq’ aallaavigalugu. Ulluinnarni taaguutitut: Tukuma.

Aqqit tassunga assingusut tassaapput 'Qiimaaraq' ateq Kitaaneersoq, aamma 'Oqila' (oqilasooq), naalisarneralu Oqi.

Aamma takuuk niviarsiaqqat atiat Tukummeq.

Amerlassusii: Tukuma, pingasut ataallugit (niviarsiaqqat 01.01 2005 sioqqullugu DK-mi najugallit). Tukumaq, sisamat ataallugit (nukappiaqqat 01.01 2005 sioqqullugu nunani allani najugallit).
Tulliaq    Tugdliaĸ
 Isumaa:
Angajulliup tullia.
 Tulugaq    Tulugaĸ
 Tungutsiiannguaq   KitaamiusutTungutsîánguaĸ
 Tungutsiiaq   KitaamiusutTungutsîaĸ
 Tuujuk   KitaamiusutTûjuk
 Tuukkaq   KitaamiusutTũkaĸ
 Tuukula Tunumiusut  Tûkula
 Tuullik   KitaamiusutTûgdlik
U
 Uerana   KitaamiusutUverana
 Uilulaq   KitaamiusutUilulaĸ
 Uitsalikitseq Tunumiusut  Uitsalikitseĸ
 UjarakAvanersuarmiusut  KitaamiusutUjarak
 Ujarneq Tunumiusut KitaamiusutUjarneĸ
 Ujoru   KitaamiusutUjoro
 Uka    Uka
 Ukaaka    Ukâka
 Ukaleq   KitaamiusutUkaleĸ
 Ukalinnguaq    Ukalínguaĸ
 Ukaliusi   KitaamiusutUkaliuse
 Ukkaq TunumiusutQavappiattut Uvkaĸ
 Ulaaju   KitaamiusutUlâjo
UlaajukAvanersuarmiusut  KitaamiusutUlâjuk
 Oqaluttuatoqqani atorneqartartoq.

Isumaa: Ulaajuk tassa inuk inuutsimigut iluserissoq takkajaajulluni sillakullaasoq. Atit Ulaajuup naggueqatai tassaapput angutit arnallu Tunumi atigisartagaat Ulannaq aammalu Qavappiaat arnanut atiutaat Ulartoq. Taamatuttaaq angut 1881-imi Alluitsumi kuisittoq kalaallisut ateqaqqaarsimagaluarpoq ima: Ulaasi.

Aamma tak.: Eri, Taorana (Daorana).
Ulannaq Tunumiusut  Ulavnaκ
 Niviarsiaqqat nukappiaqqallu atiat.

Isumaa: takuuk Ulaajuk.

Pissuseqataa: Ulanna.
 Ulu  Qavappiattut Ulo
 UlulikAvanersuarmiusut   Ululik
 Uma    Uma
Umaamaaq    Umâmâκ
 Niviarsiaqqat nukappiaqqallu atiat. Aqaat.

Isumaa: Upernavimmi eqqaanilu meeraaqqanut aqaataallunilu taaguut.

Amerlassusii: Umaamaaq: <4. Pissuseqatai: Umaamii.
Umaamii    Umâmê
 Niviarsiaqqat nukappiaqqallu atiat. Aqaat.

Isumaa: Upernavimmi eqqaanilu meeraaqqanut aqaat.

Amerlassusii: Umaamii: <4. Pissuseqatai: Umaamaaq.
 Umeerinneq Tunumiusut  Umêríneĸ
 Unaliina   KitaamiusutUnalîna
 Unalina   KitaamiusutUnalina
 Unatsiaq    Unatsiaĸ
 Ungaaja    Ungâja
 UngaaqAvanersuarmiusut  KitaamiusutUngâĸ
 Usinna   KitaamiusutUsivna
 Usornaq Tunumiusut  Usornaĸ
 Uteeraq    Utêraĸ
Uteq    Uteκ
 Isumaa:
Utertoq-mit naalisagaavoq.
Utertoq   KitaamiusutUtertoĸ
 Niviarsiaqqat nukappiaqqallu atiat.

Isumaa: Toqukkut qimagussimasoqartillugu atsiussisoqaraangat toqusimasoq utertutut isigalugu angerlartoqutigineqartarpoq. Paqumisunneq pissutigalugu qanga atermik nalinginnaq taaguinissaq utersigineqarneq ajorpoq, taamaammat ativia taanagu utersimanera pillugu taaguineq atinnguussimavoq ima: Utertoq.

Utertup pissuseqatigai atit makku: Angerla, Sinniisoq, aamma immaqa Qaaqqutsiaq aamma Taatsiaq. Qanigisaasut paqumiginnillutik taaguiumanatik atsiussamut taaguusiuttagaat tamakku piffissap ingerlanerani inuttut atinnguussimapput.

Amerlassusii: Utertoq 15. Utertoκ 5 Allat: Utertunnguaq 11. Utertúnguaκ 4.
Uti   KitaamiusutUte
 Utertoq naalisarlugu. Toqukkut qimagussimasoqartillugu atsiussisoqaraangat toqusimasoq utertutut isigalugu angerlartoqutigineqartarpoq. Paqumisunneq pissutigalugu qanga atermik nalinginnaq taaguinissaq ornigineqarneq ajorpoq, taamaammat ativia taanagu utersimanera pillugu taaguineq atinnguussimavoq ima: Utertoq. Utip pissuseqatigai atit makku: Utertoq, Angerla, Sinniisoq immaqalu Qaaqqutsiaq aamma Taatsiaq. Qanigisaasut paqumiginnillutik taaguiumanatik atsiussamut taaguusiuttagaat tamakku piffissap ingerlanerani inuttut atinnguussimapput.
 Uuka    Ûka
 Uukkaaq    Ũkâĸ
 Uunnguunia Tunumiusut  Ũngûnia
 Uuttuanngi Tunumiusut  Ũtuánge

Aterni ujarlerneq

 
Ujarlernermi immikkut tunngaviit







Inuit aqqinut tunngasut

Atissamik qinnuteqarniarpit?
Aqqit akuerisat ujarpigit?
Atuakkiaq: Kalaallit aqqi
Kalaallisut atsiiniarpit?
inuit_aqqi
Inuit Aqqinik Akuersisartunit imaqarniliat (2008-2014)
Oqaasiliortut_ikon nutaaq
Oqaasiliortunit imaqarniliat